Një tragjedi e cila ndodhi dje herët në mëngjes, ka për protagonist dy vëllezër shqiptarë. Mediat italiane theksojnë se shkak është bërë është një nga rrugët më të rrezikshme në krahinë. Përplasja e dy makinave që i kushtoi jetën dy personave ka ndodhur në rrugën e drejtë, në zonën Chessa, të provincës 159 “Scansanese”.
Dy personat ishin vëllezër me origjinë nga Shqipërië, 38 dhe 44 vjeç, Mersin dhe Aklen Myftarago. Viktimat punonin në bujqësi dhe jetonin në zonën e Arcille, një fshat i Campagnatico.
Ata ishin punëtorë bujqësie dhe ishin nisur për në punë: i vogli nga të dy kishte dy fëmijë dhe gruaja e tij pret një fëmijë të tretë.
Më i madhi, kishte tre fëmijë. Një tjetër 28-vjeçar shqiptar, me banim në Scansano, është përfshirë në aksident frontal mes dy makinave, i plagosur nga përplasja dhe është transferuar në Misericordia.
Dy vëllezërit po udhëtonin me një makinë tip ‘Peugeot’, i cili pas përplasjes së tmerrshme me Audi, erdhi në drejtim të kundërt, përfundoi në gropën anësore të rrugës. Madje njëri nga dy burrat u hodh nga kabina. Kur mbërritën shërbimet e urgjencës, ambulanca dhe madje një automjet nga Cinigiano Misericordia, nuk kishte asgjë më shumë për të bërë për dy viktimat.
Madje në vend kishin mbërritur dy helikopterë: Pegasus 2 uli mjekët me çikrikun për të shpejtuar shpëtimin dhe më pas u ul në një fushë pranë rrugës, helikopteri tjetër, Pegasus 3, priste më kot një sinjal.
Sinjal që për fat të keq mbërriti menjëherë: dy burrat kishin vdekur dhe për këtë arsye automjeti u kthye në bazë pa mundur të ndërhynte. Në vendngjarje ndodhen edhe karabinierët, të cilët po merren me dinamikën e aksidentit, si dhe zjarrfikësit që kanë siguruar mjetet.
